Braziliya prezidenti Lula da Silva və ABŞ prezidenti Donald Tramp 2025-ci ildən bəri hələ də yaxın və etibarlı münasibətlər qura bilməyiblər.
Musavat.com xəbər verir ki, bu qiymətləndirmə CNN Brasil-in hazırladığı materialda yer alıb.
Materialda qeyd olunur ki, Braziliya Prezidenti Avropaya son səfəri zamanı Vaşinqtonun hərəkətlərini sistematik şəkildə tənqid edib. Braziliya lideri Kubanın davam edən iqtisadi blokadasının və İrana qarşı əməliyyatın qəbuledilməzliyini vurğulayıb.
Ekspertlər qeyd ediblər ki, Lula da Silva ABŞ Prezidentinə qarşı tənqidləri qəsdən artıra bilər. Bu, onun yenidən Braziliya prezidenti seçilmək üçün seçki kampaniyasının bir hissəsi ola bilər.
Oktyabr ayında keçiriləcək seçkilərdə onun əsas rəqibi senator Flavio Bolsonaroya ictimai dəstək artdığı bir zamanda ABŞ prezidentinin hərəkətlərinə mənfi ictimai qiymət Silvaya əlavə səslər gətirə bilər.
Xatırladaq ki, 2025-ci ilin oktyabrında prezidentlər Kuala Lumpurda ikitərəfli görüş keçirərək etibarlı münasibətləri qorumaq niyyətlərini bildiriblər. Lakin Venesuela prezidenti Nikolas Maduronun ABŞ tərəfindən həbsindən sonra Braziliya prezidenti yenidən ABŞ prezidentinin xarici siyasətini tənqid etməyə başlayıb.
Musavat.com
