İcra məmurlarının hüquqları genişləndiriləcək.
Metbuat.az Xezerxeber.az-a istinadən xəbər verir ki, bu, Milli Məclisin Hüquq siyasəti və dövlət quruculuğu komitəsinin keçirilən iclasında müzakirə olunan "Dövlət icra məmurları haqqında" Qanunda dəyişiklik edilməsi barədə qanun layihəsində öz əksini tapıb.
İqtisadçı Eldəniz Əmirov deyir ki, təklif olunan dəyişiklik qüvvəyə minərsə, banka olan borcunu ödəməyənlərlə bağlı bəzi tələblər sərtləşəcək.
Onun sözlərinə görə, təklif edilən dəyişikliyə əsasən, icra məmuru tələbi borclunun saxlancda olan pul vəsaitlərinə və başqa sərvətlərinə də yönəldə bilər.
Onu da qeyd edək ki, təklif olunan dəyişiklik hazırda müzakirə mərhələsindədir.
