Yüksək Liqa: “Xilasedici” ölkə çempionu oldu – ARENA.AZ

Bu gün kişi voleybolçular arasında təşkil edilmiş Azərbaycan çempionatında (Yüksək Liqa) 2025/2026 mövsümünə yekun vurulub.

Arena.az xəbər verir ki, yarışın sonuncu günündə bütün mükafatçıların adına aydınlıq gəlib.

Həlledici oyunların hər ikisi Gənclər və İdman Nazirliyinin Voleybol mərkəzində təşkil olunub.

İlk olaraq üçüncü yer uğrunda qarşılaşma keçirilib. “Neftçi” “Murov”la üz-üzə gəlib. Qarşılaşma “Neftçi”nin qələbəsi ilə yekunlaşıb – 3:0 (25:17, 25:17, 25:13). Beləcə, bu komanda çempionatın bürünc medallarına sahib çıxıb.

Daha sonra final qarşılaşması baş tutub. Həlledici oyunda “Xilasedici” və “Ordu” komandaları qarşılaşıblar. Final görüşü “Xilasedici”nin qələbəsi ilə yekunlaşıb – 3:1 (24:26, 25:16, 27:25, 25:21). Beləliklə, sözügedən komanda ölkə çempionu adına sahib çıxıb.

Yüksək Liqa
18 aprel

Üçüncü yer uğrunda oyun

“Neftçi” – “Murov” 3:0 (25:17, 25:17, 25:13)
Gənclər və İdman Nazirliyinin Voleybol mərkəzi.

Final

“Xilasedici” – “Ordu” 3:1 (24:26, 25:16, 27:25, 25:21)


Gənclər və İdman Nazirliyinin Voleybol mərkəzi.