“Çelsi” Enso Fernandesi satmaq variantını istisna etmir.
Yeniavaz.com xəbər verir ki, bu barədə “The Guardian” qəzeti mənbəyə istinadla məlumat yayıb.
Mənbənin məlumatına görə, London klubu 25 yaşlı argentinalı oyunçu üçün təklifləri nəzərdən keçirə bilər.
Mənbənin qeyd etdiyinə görə, “Çelsi” yalnız 150 milyon avro təklif etməklə satışa baxmağa hazırdır. Digər tərəfdən, əməkdaşlığı davam etdirmək variantı da açıq qalır.
Qeyd edək ki, “Çelsi” Fernandesi 2023-cü ilin yanvar ayında “Benfika”dan 121 milyon avroya alıb. Onun müqaviləsi 2032-ci ilin yayında başa çatır.