“Yuventus” yarımmüdafiəçi və komandanın kapitanı Manuel Lokatelli ilə müqaviləni 2030-cu ilin yayına qədər uzadıb.
Hafta.az xəbər verir ki, klub rəhbərliyi bu addımı komandanın gələcək planları baxımından mühüm hesab edir.
“Hamımız xatırlayırıq ki, Manuel 2021-ci ildə kluba qoşularkən böyük həyəcanla həmişə “Yuventus” azarkeşi olduğunu demişdi. Buna görə də onunla müqavilənin uzadılması meydanda artan liderliyinin, “Yuventus”un cilovlanmaz ruhunun təbii davamıdır və bu, klubumuzun dəyərləri və ambisiyaları ilə tam uyğun gəlir. Bu, gələcəyə yönəlik baxışla və komandanı daha da rəqabətədavamlı etmək məqsədilə idman layihəmizin sabitliyini və davamlılığını təmin etmək yolunda növbəti addımdır”, - Turin klubunun baş icraçı direktoru Damyen Komolli “Yuventus”un rəsmi saytına bildirib.
