Beynəlxalq Valyuta Fondu (IMF) Venesuela ilə əməkdaşlığı bərpa edib və ölkəyə maliyyə dəstəyi göstərməyə hazır olduğunu bildirib.
"Report"un məlumatına görə, Fondun direktoru Kristalina Georgiyeva bu barədə mətbuat konfransında bildirib.
Onun sözlərinə görə, tərəflər artıq aşağı texniki səviyyədə ilkin əlaqələr qurublar.
"Biz komandanı sahəyə göndərməyə hazırıq. Növbəti addımlar barədə razılığa gəlmək şərtilə, böyük ehtimalla Venesuela üçün maliyyə yardımı proqramı hazırlayacağıq", - Georgieva IMF ekspertləri qrupunun Venesuelaya mümkün səfərinə toxunaraq qeyd edib.
Aprelin 16-da IMF və Dünya Bankı (WB) Venesuela ilə əlaqələrin bərpa olunduğunu elan ediblər. Əməkdaşlıq 2019-cu ildə dayandırılıb. Bu qərar Vaşinqtonda başa çatan IMF- WB yaz sessiyasında elan edilib.
