Bu gün Azərbaycan Premyer Liqasında 28-ci tura start verilin.
İdmanxeber.az xəbər verir ki, ilk oyun gününə nəzərdə tutulan 2 matçdan 1-i artıq başa çatıb.
Əvvəlcə “Araz-Naxçıvan” “Turan Tovuz”u qəbul edib. Oyun Tovuz təmsilçisinin 3:0 hesablı qələbəsi ilə yekunlaşıb.
Günün digər matçında isə “Neftçi” “Zirə”nin qonağı olacaq. “Zirə” 44 xalla 4-cü, “Neftçi” isə 43 xalla 5-ci pillədə qərarlaşıb. Qalib gələn komanda 4-cü pillədəki yerini bir qədər möhkəmləndirəcək. Bu baxımdan görüş turun mərkəzi oyunlarından sayılır.
Bu komandaların ilk iki dövrədəki qarşılaşmalarında qalib müəyyənləşməyib – 2:2, 0:0.
17 aprel (cümə)
17:00. “Araz-Naxçıvan” – “Turan Tovuz” – 0:3
Qollar: İbrahima Vadji, 70 (0:1), Jo Batista, 82 (0:2), 90+2 (0:3)
“SOCAR Polymer Arena”
19:30. “Zirə” – “Neftçi”
Zirə İdman Kompleksinin stadionu
