“Liverpul” yayda 9 futbolçusu ilə yollarını ayırmağa hazırlaşır.
QOL.az xəbər verir ki, Mersisayd təmsilçisinin mövsümün sonunda Məhəmməd Salah və Endryu Robertsonla vidalaşacağı dəqiqdir.
"Daily Mail"in məlumatına görə, Kalvin Remzi və Ris Uilyamsın müqavilələrinin müddəti yayda bitir və onlar da gedənlər siyahısndadır. Klubun Co Qomes, Aleksis Makallister, Harvi Elliott, Kertis Cons və Federiko Kyeza ilə əməkdaşlığa son verəcəyi gözlənilir.
Qeyd edək ki, “Liverpul”da baş məşqçi Arne Slotun da gələcəyi sual altındadır.
