“Problemlər ciddidir və insanlar Rusiya ilə münasibətlərin pisləşməsindən narahatdırlar”.
Missiya.Az xəbər verir ki, bunu Ermənistanın sabiq Prezidenti Robert Köçəryan deyib.
"Əgər xalqımızın bir hissəsi Qarabağın itirilməsi ilə əlaqədar Rusiyaya qarşı müəyyən bir məyusluq yaşayırsa, bu o demək deyil ki, bu kütlə Ermənistanın Rusiya ilə əlaqələrini kəsəcəyinə və ya düşmən olacağına sevinir. Bu, qətiyyən belə deyil və hər kəs başa düşür ki, iqtisadi cəhətdən yüksək asılılığımız var və insanlar arasında çoxlu narahatlıq var", - deyə siyasətçi vurğulayıb.
Onun sözlərinə görə, Ermənistan Rusiyadan asimmetrik şəkildə asılıdır:
“İqtisadi əlaqələr kəsilərsə, Rusiya bunu hiss etməyəcək. Rusiya iqtisadiyyatında Ermənistanla xarici ticarət cəmi 0,7% təşkil edir və Ermənistan üçün bu, birbaşa iqtisadi çöküş olacaq. İnsanlar bunu instinktiv olaraq hiss edirlər. İş adamları da bu hesablamanı aparıb hansı itkilərlə üzləşəcəklərini başa düşə bilərlər. Bu itki dərhal banklara dəyəcək. Özümüzü iqtisadi bir boşluqda tapacağıq və oradan çıxmaq üçün uzun illər, ən azı dörd-beş il lazım olacaq”, - deyə siyasətçi əlavə edib.
Köçəryan qeyd edib ki, bir tərəfdən hakimiyyət hibrid müharibəni neytrallaşdırmaqla məşğul olan bir qrupu Avropadan gətirir, digər tərəfdən isə hər şeyin qaydasında olduğunu bəyan edir:
“Bu iki hal bir-biri ilə necə birləşir? Bu yalanın və ikiüzlülüyün başqa bir səviyyəsidir", - deyə siyasətçi bildirib.
Daşqın HəsənovMissiya.Az
