ain.az, Ayna portalına istinadən məlumat yayır.
"Avstraliya İkinci Dünya müharibəsinin sonundan bəri ən mürəkkəb və təhlükəli strateji mühitlə üzləşir”
Avstraliya hakimiyyəti qlobal təhlükəsizliyin pisləşməsi fonunda növbəti on ildə müdafiə xərclərini 38 milyard dollar artırmaq niyyətindədir. AYNA.AZ xarici mediaya istinadən bildirir ki, bu barədə ölkənin müdafiə naziri Riçard Marles yeni Milli Müdafiə Strategiyasının təqdimatı zamanı deyib.
Nazirin sözlərinə görə, bugünkü "əsas təhdidlər və hərbi inkişaf istiqamətləri" ilə idarə olunan maliyyələşdirmənin artırılması Avstraliyaya 2033-cü ilə qədər müdafiə büdcəsini ÜDM-in 3%-nə qədər artırmağa imkan verəcək.
"Avstraliya İkinci Dünya müharibəsinin sonundan bəri ən mürəkkəb və təhlükəli strateji mühitlə üzləşir və əvvəllər güc və hərbi məcburiyyət tətbiqini məhdudlaşdıran beynəlxalq normalar pozulmağa davam edir. Bu şəraitdə Avstraliyanın Baş naziri Entoni hökuməti müdafiə qabiliyyətlərini sürətlə artırmaq üçün bütün mümkün tədbirlərdən istifadə edəcək", - deyə o bildirib və qeyd edib ki, müdafiə büdcəsi növbəti dörd il ərzində 10 milyard dollar artırılacaq.
Nazir əlavə vəsaitin əsasən Qərbi Avstraliyanın Henderson şəhərindəki gəmiqayırma zavodlarının modernləşdirilməsinə yönəldiləcəyini vurğulayıb. Burada AUKUS tərəfdaşlığının (Avstraliya, Birləşmiş Krallıq və ABŞ arasında hərbi ittifaq) bir hissəsi olaraq nüvə sualtı qayıqlarına xidmət göstəriləcək. Bu layihəyə ən azı 8,6 milyard dolların ayrılması gözlənilir. Pilotsuz uçuş aparatları (PUA) texnologiyalarının inkişafı üçün əlavə 1,4 milyard dollardan 3,5 milyard dollara qədər vəsaitin ayrılması planlaşdırılır.
Ən son xəbərləri və yenilikləri almaq üçün ain.az saytını izləyin.
