Bu ilin yanvar–fevral aylarında Azərbaycanda informasiya və rabitə sektorunda orta aylıq nominal əməkhaqqı 1 915,5 manat təşkil edib.
Bu barədə Dövlət Statistika Komitəsi məlumat yayıb.
Göstəriciyə görə, dövlət sektorunda əməkhaqqı 1 807,8 manat, özəl sektorda isə 1 982,3 manat olub.
2025-ci ilin eyni dövrü ilə müqayisədə sektorda orta aylıq nominal əməkhaqqı 1% artıb. Dövlət sektorunda artım 15,3 % olduğu halda, özəl sektorda 7,5 % azalma qeydə alınıb.
2026-cı il martın 1-nə bu sahədə çalışanların sayı 33,5 min nəfər olub ki, bu da illik müqayisədə 0,6 % azdır.
Azərbaycanda iqtisadi fəaliyyət növləri üzrə orta aylıq maaşlar belə formalaşıb:
- Kənd təsərrüfatı: 684,9 manat;
- Mədənçıxarma sənayesi: 3 782,1 manat;
- Emal sənayesi: 1 012,4 manat;
- Elektrik enerjisi, qaz və buxar: 1 131,6 manat;
- Su təchizatı və tullantılar: 722,4 manat;
- Tikinti: 1 241,9 manat;
- Ticarət və təmir: 763,5 manat;
- Nəqliyyat və anbar: 1 497,8 manat;
- Turizm və ictimai iaşə: 798,7 manat
- İnformasiya və rabitə: 1 915,5 manat;
- Maliyyə və sığorta: 2 790,0 manat;
- Daşınmaz əmlak: 1 054,3 manat;
- Peşə, elmi və texniki fəaliyyət: 1 786,0 manat;
- İnzibati xidmətlər: 764,1 manat;
- Dövlət idarəetməsi və müdafiə: 1 434,8 manat;
- Təhsil: 817,2 manat;
- Səhiyyə və sosial xidmətlər: 925,4 manat;
- İstirahət və əyləncə: 874,1 manat;
- Digər xidmətlər: 1 237,1 manat;
Rəqəmlər göstərir ki, ən yüksək maaş mədənçıxarma sənayesindədir – 3 782 manat, daha sonra maliyyə sektoru (2 790 manat) və İT/rabitə sahəsi (1 915 manat) gəlir.
Ən aşağı maaş isə kənd təsərrüfatında – cəmi 684 manatdır.
Telegram kanalımız
