“Bank Avrasiya” ASC 2026-cı ilin I rübündə aktivlərinin həcmi 213.95 mln. manat təşkil edib. Banker.az bunu bankın rüblük maliyyə hesabatına istinadən xəbər verir. Bu da ötən ilin sonundakı 214.51 mln. manatla müqayisədə cüzi — təxminən 0.3% azalmadır.
Aktivlərin strukturunda nağd vəsaitlər 41.3 mln. manata yüksələrək 34.7% artıb, banklardakı depozitlər isə 39.74 mln. manata enərək 9.6% azalıb. Müştərilərə verilmiş kreditlər 132.88 mln. manata düşərək 3.1% azalıb, xalis kredit portfeli isə 118.94 mln. manat olub.
Öhdəliklər 124.91 mln. manat səviyyəsində olmaqla ilin ilk rübündə 0.31% artım göstərib. Depozit portfeli 72.75 mln. manata çataraq 1.8% böyüyüb. Bu artım əsasən fiziki şəxslərin depozitlərinin 6.6% artaraq 65.39 mln. manata yüksəlməsi hesabına baş verib, hüquqi şəxslərin depozitləri isə 27.3% azalaraq 7.36 mln. manata enib.
Bununla belə, bank hesabat dövrünü zərərlə başa vurub. 2026-cı ilin ilk rübündə xalis zərər 937 min manat olub. Məsələn, ötən ilin eyni dövründə 1.98 mln. manat mənfəət əldə edilmişdi. Buna baxmayaraq, xalis faiz gəliri 3.26 mln. manata yüksələrək 11.4% artıb, qeyri-faiz gəlirləri də 0.83 mln. manat olub və 16.2% artım göstərib. Lakin qeyri-faiz xərclərinin 2.86 mln. manata çataraq 26.8% artması və xüsusilə mümkün zərərlər üçün yaradılan ehtiyatların kəskin şəkildə 2.25 mln. manata yüksəlməsi (ötən il 0.34 mln. manat azalma ilə müqayisədə) maliyyə nəticələrinə əsas mənfi təsir göstərib. Nəticədə əməliyyat mənfəəti 11.3% azalaraq 1.23 mln. manata enib və bank zərərə düşüb.
Kapital 89.03 mln. manat olub və 1.1% azalıb, bölüşdürülməmiş mənfəət isə 14.74 mln. manat olub.
