ABŞ-ın Rusiya neftinə qarşı sanksiyaları yenidən qüvvəyə minib.
Musavat.com Politico-ya istinadən xəbər verir ki, Hörmüz boğazının blokadasından sonra tətbiq edilən güzəşt ötən həftəsonu başa çatıb.
Rusiya prezidentinin xüsusi elçisi Kiril Dmitriyev ABŞ-a gedib danışıqlar aparsa da, ABŞ Maliyyə Nazirliyi müddətin uzadılması barədə hər hansı qərar qəbul etməyib.
"Politico"nun məlumatına görə, bu, Ukrayna tərəfdarlarını sevindirsə də, Rusiyanın ABŞ sanksiyalarından yayınmaq üçün hələ də çoxsaylı yolları var.
Demokrat senatorun adı açıqlanmayan köməkçisi nəşrə qeyd edib ki, ABŞ-ın müvəqqəti neft lisenziyası verilməzdən əvvəl belə, Rusiya xam nefti bazara daxil olurdu: "Tramp administrasiyası Rusiyaya sanksiyalardan yayınma üçün bir ildən çoxdur ki, istər neft satışı, istərsə də Kremlin hərbi maşını üçün vacib alışlar baxımından heç bir sanksiya tətbiq etməyib".
Həm Respublikaçı, həm də Demokrat administrasiyaları dövründə xidmət etmiş dövlət katibinin keçmiş Avropa işləri üzrə müavini Daniel Frid ruslara fasilə verməyin ağılsızlıq olduğunu bildirib. O, iddia edib ki, Tramp administrasiyası neft gəlirlərinin yalnız qida və dərman üçün istifadə olunacaq xüsusi hesaba köçürülməsini tələb edə və Rusiyaya vəsait axınını azaltmaq üçün neft qiymət limitini aşağı sala bilərdi: "Rusiya gəlirlərini maksimum dərəcədə artırmadan neft tədarükü problemini həll etmək üçün bunlar iki tamamilə ağlabatan addım idi, lakin Tramp administrasiyası heç birini atmayıb".
Demokrat senatorun köməkçisi qeyd edib ki, Rusiya neftinə vergi güzəştinin müddəti başa çatması heç də qeyd olunası bir səbəb deyil. İndi Rusiya vasitəçiləri "daha bir qələbə" gözləyərək tankerlərə neft yükləməkdə daha fəal olacaqlar.
Musavat.com
