Sherg.az portalından verilən məlumata əsasən, ain.az bildirir.
2026-cı ilin birinci rübündə “Azərbaycan Dəmir Yolları” QSC-nin (ADY) sərnişin və yük qatarlarına hərəkətdə olarkən 18 dəfə daş atılıb.
Sherg.az xəbər verir ki, bununla bağlı ADY məlumat yayıb.
Bildirilib ki, bu cür vandallıq halları sərnişinlərin və qatar heyətinin həyatını təhlükə altına salır, qatarların texniki vəziyyətinə ciddi zərər vurur və maşinistlərin qatarı təcili saxlamasına səbəb olur. Nəticədə qatarların hərəkət cədvəlində gecikmələr yaranır.
ADY qeyd edib ki, bu cür qanunsuz hərəkətlərə yol verən şəxslər müəyyən edilərək qanunvericiliyə uyğun məsuliyyətə cəlb olunurlar.
Qurum, hadisələrin əsasən azyaşlılar tərəfindən törədildiyini nəzərə alaraq, valideynlərə uşaqları ilə maarifləndirici söhbətlər aparmağı tövsiyə edib. Eyni zamanda vurğulanıb ki, dövlət əmlakı olan qatarlara daş atılması cinayət əməlidir.
Sonrakı hadisələr barədə daha çox məlumat almaq üçün ain.az saytını izləyin.
