Çin Xarici İşlər Nazirliyinin sözçüsü Quo Ciakun bildirib ki, Çin Hörmüz boğazında normal gəmiçiliyin bərpasını tələb edib. O, ABŞ-ın Hörmüz boğazını blokadaya almasını tamamilə məsuliyyətsiz və təhlükəli bir addım adlandırıb.
Çin Xarici İşlər Nazirliyinin sözçüsünün sözlərinə görə, Vaşinqton nəinki regiondakı vəziyyətin sülh yolu ilə həllinə töhfə vermir, həm də onun hərəkətləri beynəlxalq gərginliyi daha da artırır. “Maraqlı tərəflərin artıq müvəqqəti atəşkəs barədə razılığa gəldiyini nəzərə alsaq, ABŞ-ın hərbi iştirakının artırılması və hədəf bloklama əməliyyatları yalnız fikir ayrılıqlarını və gərginliyi daha da artıracaq.” – Quo Ciakun bildirib.
O qeyd edib ki, Çin hər iki tərəfin atəşkəs razılaşmasına ciddi şəkildə riayət etməsində israr edir və Vaşinqtonu və Tehranı Hörmüz boğazında gəmiçiliyi “mümkün qədər tez” bərpa etmək üçün dialoqu bərpa etməyə çağırır.
//Samir Qurbanov, Editor.az
