Futbol dünyasının ən prestijli və qazanılması ən çətin olan kuboklarının reytinqi müəyyənləşib.
Offsideplus.az xəbər verir ki, siyahıda həm milli komanda səviyyəsindəki turnirlər, həm də dünyanın ən güclü daxili çempionatları yer alıb.
Gözlənildiyi kimi, siyahıya futbolun ən böyük zirvəsi hesab olunan "FİFA Dünya Kuboku" başçılıq edir. Klub səviyyəsində isə "UEFA Çempionlar Liqası" dünyanın ən əhəmiyyətli kuboku statusunu qoruyur. Avropa və Cənubi Amerikanın qitə birincilikləri olan "AVRO" və "Kopa Amerika" isə ilk dördlüyü tamamlayır.
Milli liqalar arasında İngiltərənin "Premyer Liqa"sı ən dəyərli turnir hesab olunur. Onu müvafiq olaraq İspaniyanın "La Liqa"sı və İtaliyanın "A Seriyası" izləyir. Siyahıda Braziliya və ABŞ-nin daxili turnirlərinin yer alması isə futbolun coğrafi miqyasının nə qədər geniş olduğunu göstərir.
Dünyanın ən mühüm 12 kuboku:
- "FİFA Dünya Kuboku" (FİFA)
- "UEFA Çempionlar Liqası" ("Çempionlar Liqası")
- "UEFA Avropa Çempionatı" ("AVRO")
- "Kopa Amerika" (Cənubi Amerika)
- "Premyer Liqa" (İngiltərə)
- "La Liqa" (İspaniya)
- "A Seriyası" (İtaliya)
- "UEFA Avropa Liqası" ("Avropa Liqası")
- "Braziliya Kuboku" (Braziliya)
- "Libertadores Kuboku" ("KONMEBOL Libertadores")
- "Afrika Millətlər Kuboku" (AFKON)
- "MLS Kuboku" (ABŞ - "Ali Futbol Liqası")
Reytinq göstərir ki, futbol dünyasında həm Avropa futbolunun dominantlığı, həm də Amerika və Afrika qitələrindəki yerli rəqabət beynəlxalq səviyyədə yüksək qiymətləndirilir.
