“ABŞ İrana qarşı dəniz blokadası tətbiq etsə, Yəmənin “Ənsarallah” Hərəkatı (Husilər) Bab əl-Məndəb boğazını bağlaya bilər”.
Bakıvaxtı.az xəbər verir ki, bunu Vaşinqtonda yerləşən Beynəlxalq Böhran Qrupunun tədqiqatçısı Əhməd Nağı “Associated Press”ə deyib.
“Əgər ABŞ İran limanlarına blokada tətbiq edərsə və İran bunun nəticələrini hiss etməyə başlayarsa, husilərin Bab əl-Məndəb boğazını bağlaması ehtimalı yüksək olacaq. Bu dəniz arteriyasının mümkün bağlanması qlobal gəmiçiliyə təzyiqi daha da artıracaq”, - o bildirib.
