Bizimyol saytından verilən məlumata əsasən, ain.az məlumatı açıqlayır.
Pakistan ABŞ prezidenti xüsusi nümayəndəsi Stiv Vitkoffdan vitse-prezident Ceyms Devid Vensin İranla danışıqlarda amerikalı nümayəndə heyətinə daxil edilməsini xahiş edib.
Bizimyol.info xəbər verir ki, bu barədə "The New York Times" (NYT) mənbələrinə istinadla məlumat yayıb.
Mənbələrin bildirdiyinə görə, Pakistan Vensin İsrail və ABŞ-ın İrana qarşı əməliyyatın başlanmasına ilkin olaraq etiraz etməsini müsbət qarşılayır. İslamabadın xahişindən sonra ABŞ prezidenti Donald Tramp “vitse-prezidenti sülh təşəbbüslərinə rəhbərlik etməyə” çağırıb. Qəzetin qeyd etdiyi kimi, Vens administrasiyada yeganə nümayəndədir ki, “birbaşa prezidentin xüsusi elçisi kimi danışa bilir”.
Gözlənilir ki, nümayəndə heyətinə Trampın kürəkəni Cared Kuşner də daxil olmaqla, cümə günü Pakistana səfər edəcək.
ABŞ və İsrail 28 fevralda İrana qarşı müharibəyə başlayıb. Hücumlar nəticəsində İranın ən böyük şəhərləri, o cümlədən Tehran zərbə alıb. Ağ Ev bu hücumları İrandan gələn raket və nüvə təhdidləri ilə izah edib. Eyni zamanda, ABŞ rəhbərliyi İranda əhalini hökumətə qarşı çıxmağa və hakimiyyəti ələ keçirməyə açıq çağırış edib. Hücumlar nəticəsində İranın keçmiş ali rəhbəri ayətullah Əli Xameneyi və digər yüksək səviyyəli rəhbərlər həlak olub. İran İsrail və ABŞ-ın Bəhreyn, İordaniya, Qatar, Küveyt, BƏƏ və Səudiyyə Ərəbistanındakı obyektlərinə cavab əməliyyatlarına başlayıb.
ABŞ prezidenti Donald Tramp aprelin 7-də İranla iki həftəlik qarşılıqlı atəşkəs elan edib. Onun sözlərinə görə, tərəflər demək olar ki, bütün mübahisəli məsələləri həll ediblər və Vaşinqton Tehranın 10 maddəlik təkliflərini gələcək danışıqlar üçün “işçi baza” kimi qiymətləndirir. Tramp bildirib ki, qərar İranda Hörmüz boğazını açmağa hazır olduqları təqdirdə qəbul edilib. Tehranda isə, əgər İrana hücum edilməzsə, “müdafiə xarakterli hücumların” dayandırılmasına razılıq verilib. Pakistanın baş naziri Şahbaz Şərif, tərəflər arasında vasitəçi olaraq, onları birbaşa danışıqlara dəvət edib. İran dövlət televiziyasının məlumatına görə, danışıqlar gözlənildiyi kimi birbaşa keçiriləcək.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
