PSJ Çempionlar Liqasının 1/4 final mərhələsinin ilk oyununda «Liverpul»u 2:0 hesabı ilə məğlub edib. Cavab görüşü öncəsi ingilis klubunun şansları xeyli az görünür. Paris təmsilçisi meydanda tam üstünlük nümayiş etdirib, Arne Slotun komandası isə aciz təsir bağışlayıb.
Publika.az xəbər verir ki, lakin PSJ-nin bir futbolçusu üçün bu oyun psixoloji baxımdan olduqca ağır keçib. Bu barədə ötən gün məlumat vermişdik. İndi isə təfərrüata varacağıq.
"Topskill Sports UK"-nin məlumatına görə, Nunu Mendeş qarşılaşmadan bir qədər əvvəl sevgilisi Talitanın ona xəyanət etdiyini öyrənib. İddialara görə, futbolçunun qardaşı ona zəng edərək Talitanı Portuqaliyada başqa bir kişi ilə yaxaladığını bildirib. Məlumata əsasən, Talita tam şəkildə Fransaya köçməyib və Parislə Lissabon arasında yaşayırdı. Məhz Lissabondakı evdə bu hadisə baş verib.
Bildirildiyinə görə, bu xəbər futbolçuya "Liverpul"la oyundan cəmi bir neçə saat əvvəl çatdırılıb. Buna baxmayaraq, portuqaliyalı müdafiəçi meydana çıxıb və 90 dəqiqə oynayıb.
