PSJ-nin cinah hücumçusu Xviça Kvaratsxeliya Çempionlar Liqasının 1/4 final mərhələsində "Liverpul"a qarşı keçirilən ilk oyunun (2:0) ən yaxşı futbolçusu seçilib.
90deqiqe.Az xəbər verir ki, bununla da gürcüstanlı vinger cari mövsümdə Çempionlar Liqasının pley-off mərhələsində keçirdiyi hər üç oyunda matçın ən yaxşısı olub.
Kvaratsxeliya daha əvvəl 1/8 finalda Çelsi ilə keçirilən hər iki görüşdə (5:2, 3:0) də ən yaxşı oyunçu seçilmişdi. Hücumçu bu üç matçda ümumilikdə 4 qol və 1 məhsuldar ötürmə ilə yadda qalıb.
Cari mövsümdə Kvaratsxeliya bütün yarışlarda 39 oyunda iştirak edib, 13 qol vurub və 8 məhsuldar ötürmə edib. Gürcüstan millisinin üzvünün bazar dəyəri 90 milyon avro qiymətləndirilir.
“Liverpul” ilə “PSJ” arasında cavab oyunu aprelin 14-də İngiltərədə, "Enfild" stadionunda keçiriləcək.
