"Azərbaycan Sənaye Sığorta" ASC (ASS) 2025-ci ili 2 milyon 588 min manat zərərlə başa vurub. Halbuki, şirkət 2024-cü ildən 1 milyon 297 milyon manat xalis mənfəətlə çıxmışdı.
Ötən il ASS-nin gəlirləri 29 milyon 287 min manat (əvvəlki ilə nisbətən 9,1 % çox), xərcləri 31 milyon 876 min manat (26,3 % çox) təşkil edib.
Bu il yanvarın 1-nə ASS-nin aktivləri 35 milyon 726 min manat olub ki, bu da illik müqayisədə 16,4 % çoxdur. Hesabat dövründə şirkətin öhdəlikləri 43,1 % artaraq 26 milyon 153 min manata, balans kapitalı isə 22,9 % azalaraq 9 milyon 573 min manata çatıb.
Xatırladaq ki, ASS 2008-ci ildə yaradılıb, 1996-cı ildən sığorta bazarına daxil olmuş "Cİ Sığorta" MMC-nin hüquqi varisidir. Onun nizamanmə kapitalı 11 milyon manatdır. Şirkətin səhmlərinin 95%-i "Anadolu İnvestment Company" MMC-yə, 5%-i isə "Azərbaycan Sənaye Bankı" ASC-yə məxsusdur.
© "Report"
