Nəqliyyat vasitələrinin dövlət qeydiyyatına alınması elektron qaydada həyata keçiriləcək.
FED.az biznes və maliyyə xəbərləri portalı xəbər verir ki, qeydiyyat Elektron Hökumət İnformasiya Sistemi (EHİS) üzərindən icra ediləcək.
Belə ki, Daxili İşlər Nazirliyi 2026-cı ilin iyunun 1-dək xidmətin rəqəmsallaşdırılmasının mümkün mərhələlərini müəyyən etməlidir.
Daxili İşlər Nazirliyi, Rəqəmsal İnkişaf və Nəqliyyat Nazirliyi 2026-cı il iyulun 29-dək müəyyən edilmiş mərhələləri RİNN tövsiyyəsi nəzərə alınmaqla rəqəmsallaşdırmalıdır.
Xidmətin “mygov” platformasında istifadəyə verilməsi bu ilin noyabrın 30-dək həyata keçirilməlidir.
Bununla bağlı Rəqəmsal İnkişaf və Nəqliyyat Nazirliyi, Daxili İşlər Nazirliyinə müvafiq tapşırıqlar verilib. (Trend)
