Fransa Təhsil Nazirliyinin dərc etdiyi və gələcək tələbə sayı tendensiyalarını qiymətləndirən planlaşdırılmış hesabata istinadən ölkədə tələbə sayı növbəti doqquz il ərzində təxminən 1,7 milyon nəfər azala bilər. Bu barədə yerli media xəbər verir.
Hesabata görə, 2035-ci ilə qədər tələbə qəbulu təxminən 15% və ya təxminən 1,7 milyon tələbə azala bilər. Demoqrafik dəyişikliklər azalmanın əsas səbəbi kimi göstərilir.
Hesabatda qeyd olunur ki, ötən il Fransada 645.000 uşaq dünyaya gəlib, doğum nisbəti əvvəlki ilə nisbətən 2,1%, 2010-cu ilə nisbətən isə 24% azalıb.
Təhsil naziri Eduard Geffret mediaya bildirib ki, tələbə qəbulunun azalması bütün təhsil sisteminə təsir edəcək və regional təhsil siyasətinin uzunmüddətli nəzərdən keçirilməsini tələb edəcək.
O əlavə edib ki, Parisdə tələbələrin sayı doqquz il ərzində üçdə bir qədər azala bilər.
Rizvan CƏFƏROV,
“Azərbaycan”
