İranla ABŞ arasında atəşkəs razılaşması əldə olunsa da, Prezident Donald Trampın ünvanına tənqidlər səngimir.
"Donald Tramp dəli olub və onun İran xalqını məhv etmək təhdidləri ciddiyə alınmalıdır".
“Cebheinfo.az” xəbər verir ki, bunu konqresmen Robert Qarsiya sosial mediada yazıb.
"O, nəzarətdən çıxıb və kabineti və ətrafındakılar Konstitusiyaya sadiq olmalı və 25-ci Düzəlişi tətbiq etməlidirlər. O, vəzifəsindən kənarlaşdırılmalıdır", - deyə konqresmen bildirib.
Senatdakı Demokratlar Partiyasının lideri Çak Şumer isə ABŞ Prezidentini "son dərəcə xəstə adam" adlandırıb:
"Bu mənasız seçim müharibəsinə qarşı səs verməkdə bizə qoşulmaqdan imtina edən hər bir respublikaçı, nə olursa olsun, bütün nəticələrə görə məsuliyyət daşıyır".
ABŞ-nin keçmiş prezident müttəfiqi Marjori Teylor-Qrin də Trampa sərt tənqidlər səsləndirərək, onun "bütöv bir sivilizasiyanın ölümü" ilə bağlı paylaşımını "pis və dəli" adlandırıb.
"25-Cİ DÜZƏLİŞ!!! Amerikaya bir dənə də olsun bomba düşməyib. Biz bütün bir sivilizasiyanı məhv edə bilmərik. Bu, şər və dəlilikdir", - deyə o, “X” sosial şəbəkəsində yazıb.
Qeyd etmək lazımdır ki, Amerika siyasətçiləri ABŞ Prezidentinin “TruthSocial” sosial şəbəkəsində İran haqqında paylaşımına görə narahat olublar.
Həmin paylaşımda o, İrandan danışarkən "bütün bir sivilizasiyanın məhvini" təklif edib.
