ain.az, Redaktor.az portalına istinadən məlumat yayır.
Dietoloq Treysi Lokvud Bekerman bildirib ki, bitki çayları — xüsusilə çobanyastığı və ya darçınlı çay — gecə saatlarında şirin içkilərə sağlam alternativ ola bilər.
Redaktor.az xəbər verir ki, bu barədə o, "EatingWell" nəşrinə açıqlamasında danışıb.
Mütəxəssis darçınlı çayı xüsusilə tövsiyə edir. Onun sözlərinə görə, bu içki 2-ci tip diabeti olan insanlarda qanda şəkərin səviyyəsini azaltmağa kömək edə bilər. Eyni zamanda, bitki çayları orqanizmin susuz qalmasının qarşısını alır ki, bu da qlükoza səviyyəsinin artmasına təsir edən amillərdən biridir.
Treysi Lokvud Bekerman əlavə edib ki, axşam saatlarında bir fincan isti çay içmək həm də stres hormonu olan kortizolun səviyyəsini azaltmağa kömək edir. Onun sözlərinə görə, çobanyastığı və ya lavanda kimi bitki çaylarının yavaş və sakit şəkildə qəbulu orqanizmi rahatlaşdırır.
Dietoloq vurğulayıb ki, yüksək kortizol səviyyəsi hətta diabeti olmayan insanlarda belə qlükoza istehsalını artıra bilər, buna görə də axşam saatlarında rahatlaşdırıcı içkilər seçmək sağlamlıq baxımından faydalıdır.
Aytəkin TOFİQQIZI
Ən son xəbərləri və yenilikləri almaq üçün ain.az saytını izləyin.
