Yüksək Liqa: “Xilasedici” və “Ordu” finala yaxınlaşdılar

Bu gün kişi voleybolçular arasında təşkil edilmiş Azərbaycan çempionatında (Yüksək Liqa) yarımfinal mərhələsinə start verilib.

Arena.az xəbər verir ki, raundun hər iki oyunu eyni gündə və eyni məkanda (Fövqəladə Hallar Nazirliyinin İdman Zalında) keçirilib.

Əvvəlcə, “Murov” “Xilasedici” ilə qarşılaşıb. Matç “Xilasedici”nin 3:0 hesablı qələbəsi ilə bitib. Ardınca isə “Ordu” “Neftçi”ni üstələyib – 3:0.

Komandalar arasında ikinci matçlar aprelin 14-də baş tutacaq.

Qeyd edək ki, reqlamentə əsasən, yarımfinal mərhələsi ev və səfər prinsipi ilə iki oyundan ibarət olacaq. İki qarşılaşmanın nəticəsinə görə komandaların qələbə sayı bərabər olarsa, qalibi müəyyənləşdirmək üçün “qızıl set” oynanılacaq. Bürünc və qızıl medal uğrunda həlledici qarşılaşmalar isə cəmi bir oyundan ibarət olacaq.

Yüksək Liqa
Yarımfinalın ilk oyunları
7 aprel

Murov – Xilasedici 0:3 (20:25, 18:25, 18:25)
Ordu – Neftçi 3:0 (25:12, 25:14, 25:16)