Bizimyol portalından verilən məlumata görə, ain.az xəbər yayır.
ABŞ hökuməti İranda vurulmuş amerikalı pilotun axtarışı barədə məlumatı açıqlayan mənbənin adını milli kütləvi informasiya vasitələrindən tələb edəcək.
Bizimyol.info xəbər verir ki, bunu ABŞ prezidenti Donald Tramp deyib.
“Düşünürəm ki, bunu müəyyən edə biləcəyik. Kim olursa olsun. Çünki biz bu məlumatı yayımlayan media orqanına müraciət edəcəyik və deyəcəyik: “Bu, milli təhlükəsizlik məsələsidir, mənbənin adını açıqlayın, yoxsa həbs olun””, – deyə amerikalı lider Ağ Evdə keçirilən mətbuat konfransında bildirib. “Biz bu məlumat sızdıranı tapmalıyıq, çünki bu, xəstə bir insanla bağlı məsələdir”, – ABŞ administrasiyasının rəhbəri əlavə edib.
O, yenidən belə bir versiyanı təqdim edib ki, vurulmuş pilotun İrandan çıxarılması əməliyyatı ABŞ Silahlı Qüvvələri üçün itkisiz baş tutub. “Tanrı bizi qorudu”, – deyə prezident söyləyib. “Hadisə Pasxa bayramında baş verdi”, – deyə əlavə edib.
Cüt oturacaqlı "F-15E" amerikalı qırıcı İranda cümə günü vurulub. "Axios" portalının məlumatına görə, katapultdan sonra hər iki ekipaj üzvü – pilot və navigator əlaqə saxlayıb. Portalın mənbələri bildiriblər ki, pilot təyyarənin vurulmasından bir neçə saat sonra xilas edilib. Axtarış-xilasetmə əməliyyatı zamanı İran əməliyyatda iştirak edən bir ABŞ "Black Hawk" vertolyotunu vurub – ekipaj üzvləri yaralanıb, lakin vertolyot uçuşa davam edə bilib.
Navigatorun yerini müəyyən etmək isə bir gündən çox vaxt alıb. Onun xilas edilməsi əməliyyatı şənbə günü başlayıb. Bu zaman ABŞ Hərbi Hava Qüvvələrinin qırıcıları bölgəyə yaxınlaşan İran qüvvələrinə zərbələr endirib ki, onlar ikinci ekipaj üzvünü ABŞ xüsusi təyinatlılarından əvvəl tapa bilməsinlər.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
