“Liverpul” və “Çelsi” klubları “Leyptsiq”in gənc vingeri Yan Diomande üçün 60 milyon avro ödəməyə hazırdır.
QOL.az xəbər verir ki, “Sport” nəşrinin məlumatına görə, “Barselona” da 19 yaşlı futbolçu ilə maraqlansa da, Premyer Liqa klublarının ciddi rəqabəti kataloniyalılar üçün əsas maneə olub.
Bildirilir ki, İngiltərə təmsilçiləri bu məbləği artıq təklif etməyə hazırdır. Lakin “Leyptsiq”in oyunçu üçün daha yüksək, təxminən 70 milyon avro tələb edəcəyi, hətta qiyməti 100 milyon avroya qədər qaldıra biləcəyi istisna edilmir.
