Yaponiyada sosial şəbəkələrdə sürətlə yayılan qeyri-adi qida trendi müzakirə mövzusuna çevrilib.
Musavat.com xəbər verir ki, söhbət kola ilə yerfındığının birlikdə istifadə olunmasından gedir. Bu ideya əslində yeni deyil — ABŞ-nin cənub ştatlarında belə üsuldan hələ ötən əsrdən istifadə edildiyi bildirilir. İddialara görə, duzlu yerfındığı içkinin dadını daha da qabardır, qazlı kola isə qoz-fındığı yumşaldaraq fərqli bir ləzzət yaradır.
Bu kombinasiyanı sınayan istifadəçilər onun “şirin və duzlunun ideal balansı” olduğunu yazırlar. Lakin bu qarışıq hər kəsin zövqünə uyğun gəlmir. Buna baxmayaraq, dadına baxanların bir hissəsi sonradan buna “alışdıqlarını” deyir.
Musavat.com
