Polşa və Rumıniya "Pfizer"ə 1.9 milyard avro ödəyəcəkBrüssel Şəhər Məhkəməsi Rumıniya və Polşanı COVID-19 əleyhinə artıq qalan peyvəndlərə görə "Pfizer" şirkətinə 1.9 milyard avro ödənməsi ilə bağlı qərar qəbul edib. Ölkələr bu peyvəndləri Avropa Komissiyasının bağladığı müqaviləyə əsasən almalı idilər. Ulusum.az TASS-a istinadən xəbər verir ki, məhkəmə şirkətin tələbini təmin edərək COVID-19 peyvəndləri üzrə müqavilə öhdəliklərinin tam ödənilməsinə yəni Polşa tərəfindən 1.3 milyard avro, Rumıniya tərəfindən isə 600 milyon avro ödənilməsinə qərar verib. Hər iki ölkə 2022-ci ildə peyvəndlərin alışını davam etdirməkdən imtina etmişdi. Bu qərar ehtiyatların həddindən artıq çox olması, preparatların koronavirusun yeni ştamlarına qarşı səmərəsizliyi, həmçinin Ukraynadakı münaqişə səbəbindən büdcə vəsaitlərinin çatışmazlığı ilə əsaslandırılmışdı."Pfizer" Polşa və Rumıniya hökumətlərinə qarşı iddianı 2023-cü ildə qaldırıb. İddia peyvəndlərin alışı üzrə müqavilələrin bağlandığı yer olan Brüssel məhkəməsinə təqdim edilib.
Diqqət Çəkənlər
İtaliyada qalmaqallı hadisə: modelin məzarı açılıb
Tramp ABŞ-nin NATO-dan çıxması imkanını nəzərdən keçirir
Ağdərədə mina hadisəsi baş verib
