Ayna saytına istinadən ain.az xəbər verir.
“Belarus müharibəyə qarşıdır, amma buna hazırdır olmalıdır”
“Belarus qəti şəkildə müharibəyə qarşıdır, lakin buna hazır olmalıdır”. AYNA.AZ Belarus mediasına istinadən bildirir ki, bu sözləri ölkə Prezidenti Aleksandr Lukaşenko hərtərəfli hərbi baxışın nəticələrini müzakirə etmək üçün keçirilən iclasda deyib.
"Sülh dövrü ola bilməz. Biz müharibəyə hazır olmalıyıq. Bu auditoriyada olan insanlar, təkcə bu auditoriyada deyil, digərləri də, başa düşməlidirlər: biz müharibəyə qəti şəkildə qarşıyıq. Xüsusilə də zabitlərimiz, əsgərlərimiz, silahlı qüvvələrimiz. Çünki müharibənin nə olduğunu bilirik", - deyə o bildirib.
"Biz müharibə istəmirik. Amma ordu da məhz bunun üçündür ki, əgər kimsə qəfildən bizimlə danışmaq və bizə qarşı silahdan istifadə etsə, biz cavab verəcəyik. Biz buna hazırlaşırıq", - deyə Lukaşenko vurğulayıb.
Lukaşenkonun sözlərinə görə, onun xahişi ilə keçirilən silahlı qüvvələrin döyüş hazırlığı baxışının spesifik xarakteri respublika sərhədlərinin yaxınlığında mövcud olan çətinliklərlə bağlıdır: “Tapşırıqların səviyyəsi, onların təyin edilməsi və icrası tempi geosiyasi vəziyyətin ciddiliyi, hadisələr və Belarus sərhədlərinə yaxın təhdidlərlə müəyyən edilir. İstəyirəm ki, tabeçiliyimdəkilər döyüşməyə hazır olsunlar. Əgər döyüşməyə hazırıqsa, onlar bizdən qorxacaqlar və heç kim buraya gəlməyəcək. Mənim məqsədim budur".
"Biz iştirakçıları real çağırışlara mümkün qədər yaxın şəraitdə yerləşdirdik. Daha dəqiq desək, müharibəyə. Hava şəraiti, günün vaxtı və ya döyüş tapşırıqlarının icrasını çətinləşdirən digər amillər nəzərə alınmadan", - deyə Prezident əlavə edib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
