Azertag portalından əldə olunan məlumata əsasən, ain.az xəbər verir.
Qahirə, 1 aprel, AZƏRTAC
Misirin Bənha Universitetinin Filologiya fakültəsinin Xarici Dillər Mərkəzində Azərbaycan dilinin tədrisinə başlanılıb.
AZƏRTAC xəbər verir ki, tədris ölkəmizin Misirdəki səfirliyinin təşkilatçılığı və Azərbaycan Xarici İşlər Nazirliyinin Beynəlxalq İnkişafa Yardım Agentliyinin (AİDA) maliyyə dəstəyi ilə həyata keçirilir.
İlkin mərhələdə kursa 20 nəfər qeydiyyatdan keçib. Bununla yanaşı, proqramda iştirak etmək istəyənlərin müraciətləri davam edir.
Bildirilib ki, kursun iştirakçıları universitetin müxtəlif fakültələrinin tələbələri, eləcə də müəllimlər və tədqiqatçılardır.
Qeyd olunub ki, iştirakçılar Azərbaycan dili, ədəbiyyatı və mədəniyyətinin öyrənilməsinə böyük maraq göstərirlər. Onların bir qismi gələcəkdə Azərbaycanda təhsil almaq və təqaüd proqramlarına müraciət etmək niyyətindədirlər.
Şıxəli Əliyev
AZƏRTAC-ın xüsusi müxbiri
Qahirə
Hadisənin gedişatını izləmək üçün ain.az saytında ən son yeniliklərə baxın.
