"ABŞ-ın Tehrana verdiyi təkliflər həddindən artıq əsassız və məntiqsiz idi. İran Pakistanın rəhbərlik etdiyi görüşlərdə iştirak etmir".
Hakimiyyet.az xəbər verir ki, bunu İran Xarici İşlər Nazirliyinin sözçüsü İsmayıl Baqeyi deyib.
"Müzakirə olunanlar vasitəçilər vasitəsilə aldığımız və ABŞ-ın danışıqlar aparmaq istədiyini göstərən mesajlardır. Görəsən Amerikada nə qədər insan Amerika diplomatiyasının iddialarını ciddiyə alır! Bizim vəzifəmiz mövqeyini daim dəyişən digər tərəfdən fərqli olaraq aydındır. İran əvvəldən mövqeyini açıq şəkildə bildirib və biz hansı çərçivə ilə məşğul olduğumuzu çox yaxşı bilirik”, - Baqeyi qeyd edib.
Ağ Evin Tehrana verdiyi təkliflərə gəldikdə İran XİN rəsmisi deyib: “Bizə çatdırılan müddəalar həddindən artıq əsassız və məntiqsiz tələblərdən ibarətdir. Pakistanın təşkil etdiyi görüşlər onların özləri tərəfindən müəyyən edilmiş bir çərçivədir və biz onlarda iştirak etmirik. Region ölkələrinin müharibənin bitməsində maraqlı olması yaxşıdır, lakin onlar müharibəni hansı tərəfin başlatdığına diqqət yetirməlidirlər".
Mürtəza
