Fransanın xarici işlər naziri Jan-Noel Barro Livanda üç jurnalistin ölümü ilə nəticələnən zərbənin qəsdən törədildiyi təqdirdə bunun beynəlxalq hüququn kobud şəkildə pozulması sayılacağını bəyan edib.
AFN.az xarici mediaya istinadən xəbər verir ki, martın 28-də İsrailə məxsus PUA Livanda "Al Mayadeen" və "Al Manar" telekanallarının əməkdaşlarını hədəf alıb, nəticədə reportyorlar Fatimə Ftuni, Əli Şueyb və fotoqraf Məhəmməd Ftuni həlak olublar.
Livanın informasiya naziri Pol Morkos qətlin qəsdən törədildiyini, çünki jurnalistlərin öz peşə vəzifələrini yerinə yetirdikləri zaman vurulduğunu vurğulayıb.
