Xəbər verdiyimiz kimi, İranın Səudiyyə Ərəbistanındakı aviabazaya endirdiyi qəfil raket və PUA zərbələri nəticəsində ABŞ Hərbi Hava Qüvvələrinin ən qiymətli strateji aktivlərindən biri olan "E-3 Sentry" (AWACS) uzaqdan aşkaretmə və idarəetmə təyyarəsi ciddi zədələnib.
Peyk görüntüləri Səudiyyə Ərəbistanındakı ABŞ hərbi bazasında "E-3 AWACS" təyyarəsinin vurulduğunu üzə çıxarıb.
Musavat.com xəbər verir ki, bu təyyarə sadəcə kəşfiyyat platforması deyil, döyüş əməliyyatlarının idarə olunması üçün tamfunksiyalı mərkəz rolunu oynayır.
"E-3 Sentry"nin əsas imkanlarına aşağıdakılar daxildir:
-
Döyüş meydanının vahid mənzərəsini formalaşdırır;
-
Aviasiya fəaliyyətlərini koordinasiya edir;
-
Hədəfləri bölüşdürür və ələkeçirmə əməliyyatlarını idarə edir;
-
Eyni vaxtda 300-dən çox hədəfi izləmək iqtidarındadır.
Qiymətləndirmələrə görə, 2026-cı ildə belə bir təyyarənin dəyəri 530 milyon dollardan 600 milyon dollara qədər dəyişir.
Bu itki ABŞ-nin regiondakı hava nəzarəti imkanlarına ciddi zərbə kimi qiymətləndirilir.
Musavat.com
