Belarus prezidenti Aleksandr Lukaşenko KXDR-ə səfəri zamanı Kim Çen Ina avtomat tüfəng hədiyyə edib və bunun müqabilində vaza və xəncər alıb.
Musavat.com xarici mətbuata istinadla xəbər verir ki, A.Lukaşenko 25 martda rəsmi səfər üçün Pxenyana gəlib - bu, onun KXDR-ə ilk səfəridir. Onun Kim Çen Inla danışıqlarının gündəliyinə Minsk və Pxenyan arasında dostluq və əməkdaşlıq müqaviləsinin imzalanması, eləcə də doqquz sənaye müqaviləsinin bağlanması daxildir.
Bu sənədlərin sanksiyalar və beynəlxalq təcrid şəraitində iki ölkə arasında əməkdaşlıq üçün hüquqi çərçivəni genişləndirməsi və gücləndirməsi gözlənilir.
Lukaşenko avtomat tüfəngdən əlavə, Şimali Koreya liderinə ipək Slutsk kəməri, bir neçə şüşə likör və araq hədiyyə edib. O, Kim Çen Inın qızına zərgərlik əşyaları olan mücrü hədiyyə edib.
Kim Çen In isə qarşılığında Lukaşenkoya dəniz balıqqulağından hazırlanmış vaza və kapitan xəncəri hədiyyə edib.
Musavat.com
