Kiyev, 26 mart, AZƏRTAC
Ukrayna Nazirlər Kabineti Rusiya, Belarus və MDB ilə bağlanmış 116 beynəlxalq müqaviləni ləğv edərək ölkəni Sovet müqavilə mirasından çıxarıb.
AZƏRTAC xəbər verir ki, bu barədə Ukrayna xarici işlər naziri Andrey Sibiqa məlumat verib.
"Mənim qəti qənaətim budur ki, Ukraynanın hüquqi bazası müharibənin reallıqlarına və Avropa qitəsindəki yeni təhlükəsizlik arxitekturasına uyğun olmalıdır. Buna nail olmaq üçün bir vaxtlar bizi Rusiya Federasiyası, Belarus və MDB ilə bağlayan son hüquqi əlaqələri kəsməliyik", deyə xarici işlər naziri yazıb.
Nazirin sözlərinə görə, hökumətin qərarı sayəsində Ukrayna 25 müqavilədən çıxıb, üçünü ləğv edib və 88 beynəlxalq müqavilədən çıxıb. Bunlardan beşi Rusiya Federasiyasına, 23-ü Belarusa, 87-si MDB-yə aiddir və biri Ukrayna, Rusiya və Belarus arasında üçtərəfli müqavilədir.
