Müəllif:Mehin Qasımova,Banco.az
ABŞ-ın Milli Yol Hərəkəti Təhlükəsizliyi Administrasiyası (NHTSA) Ford Motor Company-nin arxa görüntü kamerası sistemlərindəki problemlər səbəbindən 254 min SUV-ni geri çağırdığını açıqlayıb.
Banco.az xəbər verir ki, proqram təminatındakı nasazlıq arxa görüntü kamerasının işləməməsinə, eləcə də toqquşmanın qarşısının alınması, zolaqda saxlama və zonaların monitorinqi kimi sürücü yardım sistemlərinin (ADAS) funksiyalarının itirilməsinə səbəb ola bilər.
Geri çağırılma “Lincoln Navigator”, “Lincoln Nautilus”, “Lincoln Aviator” və “Ford Explorer SUV” modellərini əhatə edir.
Qeyd edək ki, 2026-cı ilin əvvəlindən bəri Ford-un bazar kapitallaşması 10%-dən çox azalaraq 46,9 milyard dollara düşüb. Bu dövrdə S&P 500 indeksi isə təxminən 4% geriləyib.
