ain.az, Avtosfer saytından verilən məlumata əsaslanaraq xəbər yayır.
Qətərin "Qatar Airways" aviaşirkəti regiondakı vəziyyət fonunda təyyarələrinin bir hissəsini müvəqqəti olaraq Dohadan kənardakı hava limanlarına yönləndirir.
Avtosfer.az xəbər verir ki, bu barədə "Doha News" məlumat yayıb.
Şirkətin mətbuat xidməti bildirib ki, uçuşların intensivliyi normal səviyyəyə qayıtdıqdan sonra laynerlər yenidən reyslərə cəlb olunacaq. Eyni zamanda, aviadaşıyıcı xaricdə saxlanılan təyyarələrin dəqiq sayını açıqlamayıb və bunu hazırkı əməliyyat şəraitinin dinamik xarakteri ilə əlaqələndirib.
"Flightradar" servisinin məlumatına görə, son bir neçə gündə "Qatar Airways"ə məxsus təxminən 20 təyyarə İspaniyanın Teruel hava limanına göndərilib. Bu hava limanı Avropada təyyarələrin texniki xidməti və uzunmüddətli saxlanması üçün ən böyük mərkəzlərdən biri hesab olunur.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
