Demokrat.az saytından alınan məlumata görə, ain.az bildirir.
Kişilərin ata olma yaşını getdikcə gecikdirməsi reproduktiv sağlamlıq baxımından yeni risklər yaradır. Bildirilir ki, bu tendensiya həm hamiləliyin əldə olunmasına, həm də gələcək nəslin sağlamlığına təsir edə bilər.Demokrat.az-ın məlumatına görə urologiya üzrə mütəxəssis Murat Zor qeyd edir ki, yaş artdıqca kişilərdə sperma sayı, hərəkətliliyi və genetik bütövlüyü zəifləyir. Bu dəyişikliklər hamiləliyin baş tutmasını çətinləşdirir, eyni zamanda uşaqlarda müəyyən sağlamlıq problemlərinin yaranma ehtimalını artırır.Onun sözlərinə görə, sperm keyfiyyətinin ən yüksək olduğu dövr 25–35 yaş aralığı hesab olunur. 35 yaşdan sonra hərəkətlilik azalır, DNT zədələnməsi artır, testosteron səviyyəsi isə tədricən aşağı düşür. Tibbi ədəbiyyatda 40 yaşdan sonrakı mərhələ “irəli ata yaşı” kimi qiymətləndirilir. Bu dövrdə hamiləliyin daha gec baş verməsi, düşüklərin artması və genetik risklərin yüksəlməsi ehtimalı qeyd olunur.Araşdırmalar göstərir ki, spermada DNT pozuntularının artması yalnız mayalanma prosesinə təsir etmir, həm də uşağın metabolik və nevroinkişaf sağlamlığına uzunmüddətli təsir göstərə bilər. Son onilliklərdə dünyada sperma sayının təxminən iki dəfə azalması da bu sahədə narahatlığı artırır. Bu azalma daha çox stress, qeyri-sağlam qidalanma, artıq çəki, siqaret, alkoqol, hava çirkliliyi və toksik maddələrlə əlaqələndirilir.Həkimlər reproduktiv sağlamlığı qorumaq üçün zərərli vərdişlərdən uzaq durmağı, normal bədən çəkisini saxlamağı, aktiv həyat tərzi sürməyi, kifayət qədər yuxu almağı və balanslı qidalanmanı vacib sayır.İsmayıl
Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
