“Əl-Nəsr” komandasının portuqaliyalı hücumçusu Kriştiano Ronaldo ilə sevgilisi Corcina Rodrigez arasında bağlandığı iddia edilən evlilik müqaviləsinin detalları gündəmə gəlib.
Musavat.com-un xəbərinə görə, iddialara əsasən, müqavilənin ən diqqətçəkən maddələrindən biri Ronaldonun Corcinaya ömür boyu aylıq 144 min dollar ödəməyi qəbul etməsidir.
Bundan əlavə, təxminən 5,6 milyon dollar dəyərində olan dəbdəbəli malikanənin mülkiyyət hüququnun Corcina Rodrigezə verilməsinin də müqavilədə yer aldığı bildirilir. Müqavilədə həmçinin Corcinanın lüks həyat tərzinin, səyahətlərinin və şəxsi xərclərinin də təminat altına alındığı qeyd olunur.
