Türkiyənin tanınmış modeli Tülin Şahin səhhətində yaranan problem ilə gündəmə gəlib.
Musavat.com xəbər verir ki, modelin sinəsində şiş aşkar olunub və bu vəziyyətin xərçəng riski daşıdığı bildirilib.
Tülin Şahin mütəmadi tibbi müayinələr zamanı bu problemi öyrənib. Həkimlərin ilkin rəyinə əsasən, aşkar edilən şişin xarakteri ilə bağlı daha dəqiq nəticə əldə etmək üçün əlavə analizlər aparılmalıdır.
Modelin yaxın çevrəsindən verilən məlumata görə, o, hazırda həkim nəzarəti altındadır və bütün zəruri tibbi prosedurlar həyata keçirilir. Hələlik rəsmi olaraq xərçəng diaqnozu təsdiqlənməsə də, risk ehtimalı diqqətdə saxlanılır.
Könül
Musavat.com
