"İnter Mayami" KONKAKAF Çempionlar Kubokunun 1/8 final mərhələsində "Neşvil"lə cavab oyununa çıxıb.
QOL.az xəbər verir ki, oyun Fort-Loderdeyldəki DRV PNC stadionunda keçirilib. Matç 1:1 hesabı ilə yekunlaşıb. Bu komandalar arasında ilk görüşdə də heç-heçə qeydə alınmışdı - 0:0. Səfər qolları qaydasına görə "Neşvil" turnirin 1/4 finalına yüksəlib.
"İnter Mayami"nin oyundakı yeganə qolunu Lionel Messi vurub. Bu, onun karyerasında rəsmi matçlardakı 900-cü qolu olub.
"Neşvil"dən isə Kristian Espinosa fərqlənib.
