ain.az bildirir, Demokrat.az saytına əsaslanaraq.
Avtomobil təkərlərinin niyə məhz qara rəngdə olması çoxlarına maraqlı gəlir. Səbəb isə sadə görünsə də, birbaşa təhlükəsizlik və davamlılıqla bağlıdır.Demokrat.az xəbər verir ki, təkərlərin qara rəngdə olmasının əsas səbəbi onların tərkibinə karbon qarasının əlavə edilməsidir. Bu maddə rezinin möhkəmliyini artırır, istismar müddətini xeyli uzadır və təkəri xarici təsirlərə qarşı daha dayanıqlı edir.İlk avtomobil təkərləri XIX əsrin sonlarında yalnız təbii rezindən hazırlanırdı və açıq rəngə malik idi. 1888-ci ildə Con Boyd Danlopun pnevmatik təkəri ixtira etməsindən sonra bu sahədə inkişaf sürətləndi. Ancaq həmin dövrdə istifadə olunan təkərlər tez aşınır, günəş şüalarının təsiri ilə çatlayır və qısa müddətdə yararsız hala düşürdü.1910–1915-ci illərdən etibarən rezinə karbon qarası qatılmağa başlandı. Sənaye sınaqları göstərdi ki, bu əlavə təkərin möhkəmliyini bir neçə dəfə artırır. Artıq 1920-ci illərdə karbon qarası avtomobil təkərlərinin istehsalında standart komponentə çevrildi və qara rəng geniş yayıldı.Karbon qarası təkərdə bir neçə funksiyanı eyni anda yerinə yetirir. O, mexaniki zədələrə davamlılığı artırır, aşınmanı azaldır, yol səthi ilə tutumu yaxşılaşdırır. Eyni zamanda ultrabənövşəyi şüaların rezinə təsirini zəiflədir və istiliyi bərabər paylayaraq həddindən artıq qızmanın qarşısını alır. Nəticədə həm təhlükəsizlik yüksəlir, həm də təkərin ömrü uzanır.Mütəxəssislərin hesablamalarına görə, müasir təkərlərin tərkibinin təxminən üçdə biri karbon qarasından ibarət olur. Texniki baxımdan rəngli təkərlər istehsal etmək mümkün olsa da, onların davamlılığı qara təkərlərlə müqayisədə xeyli aşağı qalır. Elə buna görə də avtomobil sənayesində qara təkərlər bu gün də dəyişməyən standart kimi qalır.İsmayıl
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
