Ayna portalından əldə olunan məlumata əsasən, ain.az xəbər verir.
“Rusiya bu yaxınlarda peyk görüntülərini birbaşa İranla paylaşmağa başlayıb”
Rusiya peyk görüntüləri və yeni dron texnologiyası təmin etməklə İranla kəşfiyyat paylaşımını və hərbi əməkdaşlığı genişləndirib. AYNA.AZ xəbər verir ki, bu barədə “Wall Street Journal” mənbələrə istinadən məlumat yayıb.
Nəşrin mənbələrinə görə, Moskva Tehranla rabitə, naviqasiya və hədəfləməni yaxşılaşdırmaq üçün hazırlanmış modifikasiya edilmiş “Şahed” dronlarının komponentlərini paylaşır. Rusiyanın həmçinin İrana əməliyyatlarda neçə drondan istifadə edəcəyi və hansı yüksəkliklərdən zərbələr endirəcəyi barədə taktiki rəhbərlik etdiyi iddia edilir. Bir zabit və Yaxın Şərq diplomatı nəşrə bildirib ki, Rusiya bu yaxınlarda "peyk görüntülərini birbaşa İranla paylaşmağa" başlayıb.
Analitiklər hesab edirlər ki, bu yardım "ABŞ və Avropa müttəfiqlərinin son illərdə Ukraynaya verdiyi kəşfiyyat məlumatlarına bənzəyir".
Mənbələrə görə, Fars körfəzindəki Rusiyanın dəstəyi İrana Yaxın Şərqdə Amerika radar sistemlərinə qarşı son hücumlarında kömək edib.
"Əgər rusların təqdim etdiyi görüntülərdə iranlılar üçün kəşfiyyat dəyəri olan konkret təyyarə növləri, sursat anbarları, hava hücumundan müdafiə vasitələri və dəniz hərəkətləri kimi detallar varsa, bu, həqiqətən də Tehran üçün faydalıdır”, - deyə London Kral Kollecinin tədqiqatçısı və keçmiş Mərkəzi Kəşfiyyat İdarəsinin analitiki Cim Lamson bildirib.
Eyni zamanda, Lamson qeyd edib ki, Moskva yardımını artırmaq üçün "daha çox" şey edə bilər və İrana hazırkı dəstəyi "vacib, lakin məhdud rol" oynayır.
Hadisənin gedişatını izləmək üçün ain.az saytında ən son yeniliklərə baxın.
