ain.az, Reyting.az portalına istinadən məlumat verir.
Ukrayna Müdafiə Qüvvələri Aleksandrovsk istiqamətində əks-hücum hərəkətləri ilə Rusiya ordusuna çətinlik yaradır.
Reyting.az xəbər verir ki, bunu Ukrayna könüllülər ordusunun spikeri Sergey Bratçuk deyib.
Onun sözlərinə görə, bu gün Ukrayna Müdafiə Qüvvələri strateji təşəbbüsün qarşısını almaq üçün fəaliyyətini davam etdirir.
Bratçuk qeyd edib ki, Müdafiə Qüvvələrinin əks-hücum hərəkətləri Aleksandrovsk istiqamətində fəaliyyət göstərən Rusiya qoşunlarına problem yaradır.
Hərbçi Ukrayna Silahlı Qüvvələrinin əks-hücumlarının Aleksandrovsk istiqamətində bir neçə yaşayış məntəqəsinin azad edilməsinə səbəb olduğunu vurğulayıb və əlavə edib ki, döyüşlər davam etdirilir.
“Qulyaypoleyə qarşı hərəkətlərini davam etdirən ruslar müəyyən taktiki irəliləyişlərə malikdirlər. Bununla belə, onlar cinahlarında baş verənlərə geri baxmağa məcburdurlar. Xüsusən, bu, Müdafiə Qüvvələrinin müvafiq olaraq, Qulyaypole - Velikaya Novoselka yolu istiqamətində nüfuz etməsidir. Bu, Rusiya komandanlığında müəyyən narahatlıq yaradır. Onların Müdafiə Qüvvələrinin bu cür hərəkətlərinə cavab verməyə nə dərəcədə hazır olduqlarını bilmirəm”, - Bratçuk qeyd edib.
Ukrayna mediası yazır ki, ukraynalı müdafiəçilər əvvəllər Aleksandrovsk istiqamətində doqquz yaşayış məntəqəsini azad edib, hazırda isə daha bir neçə yaşayış məntəqəsinin azad edilməsi istiqamətində işlər aparırlar.
E. KAMAL
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
