Gəncə Şəhər Baş Polis İdarəsinin əməkdaşlarının keçirdikləri müvafiq tədbirlər nəticəsində şəhər ərazisində yerləşən fərdi yaşayış evinə qanunsuz daxil olaraq oradan müxtəlif növ tikinti materiallarını oğurlamaqda şübhəli bilinən yeniyetmələr saxlanılıblar.
DİN-in mətbuat xidmətinin Gəncə regional bölməsindən AZƏRTAC-ın bölgə müxbirinə verilən məlumata görə, araşdırmalar zamanı onların oğurladıqları tikinti materiallarını satdıqları və qazancı aralarında böldükləri məlum olub.
Faktla bağlı araşdırmalar davam etdirilir.
