ain.az, Yeniazerbaycan portalından verilən məlumatlara əsaslanaraq xəbər verir.
Prezident İlham Əliyevin martın 12-də Bakıda keçirilən XIII Qlobal Bakı Forumunda “Keçid dövründə olan dünyada fikir ayrılıqlarının aradan qaldırılması” mövzusunda çıxışı zamanı sülh və suverenlik haqqında səsləndirdiyi fikirlər nəcib duyğularla yaşayan, dövlətinin uğurlarına daim sevinən hər bir Azərbaycan vətəndaşını qürurlandırdı. Çünki Cənab Prezidentin apardığı müdrik siyasət öz bəhrəsini vermiş, onun apardığı uğurlu siyasət ilə Azərbaycan dövləti tarixin ağır və çətin sınaqlarından üzüağ çıxmışdır.
Ölkə başçısı forumda qeyd etmişdir: “Regional təhlükəsizlik Azərbaycan üçün hər zaman bir nömrəli məsələ olub. Çünki mən Bakıda bir çox forumlardakı çıxışlarımda qeyd etmişəm ki, işğal dövründə bizim üçün sülh və suverenliyimizin bərpası hər zaman gündəliyimizin əsas prioriteti olub”. Sülh və suverenlik hər bir xalqın və dövlətin mühüm dəyərlərindən biridir. Sülh – insanların təhlükəsiz, sabit və firavan yaşamasını təmin edən əsas şərtdir. Cəmiyyətin inkişafına mane olan müharibə isə arzuolunmaz bir bəşəri faciədir. Suveren dövlət öz ərazisi, sərhədləri və milli maraqları üzərində tam hakimiyyətə malik olur və sülh zamanı dövlətin inkişafı,iqtisadi yüksəlişi və insanların rifahı üçün geniş imkanlar yaradır. Ancaq yüksək diplomatik biliyə, geniş dünyagörüşə malik bir lider bu uğurlara nail ola bilər.
Cənab Prezident vurğulamışdır: “Biz işğal olunmuş əraziləri güc vasitəsilə azad etdik və sülhə siyasi yollarla nail olduq”. Sülh isə bəşəriyyətin ən böyük arzularından biridir. Tarix boyu baş vermiş müharibələr xalqlara böyük acılar, itgilər və dağıntılar gətirmişdir. Buna görə də müasir dünyada ən doğru yol münaqişələri siyasi yollarla həll etməkdir. Diplomatiya isə münaqişələrin qarşısını alan və xalqlar arasında etimadı gücləndirən əm mühüm vastələrdən biridir.
Möhtərəm Prezident çıxışında xüsusi olaraq bildirdi ki, işğala, etnik təmizləməyə və soyqırımına məruz qalmış, suverenliyini, ərazi bütövlüyünü və ləyaqətini güc tətbiqi ilə bərpa etmiş, daha sonra isə o zaman məğlub olmuş düşmənə sülh təklif etmiş ölkə olmağımız-hesab edirəm ki, bu, beynəlxalq ictimaiyyətdə paylaşa biləcəyimiz nadir təcrübədir. Qeyd etmək lazımdır ki, tarix boyu ermənilərin Azərbaycan xalqına qarşı mənfur hərəkətləri az olmamışdır. Bu zaman Azərbaycan xalqı ağır itgilərə məruz qalmışdır. Ermənilərin Qarabağa göz dikməsi, son illər baş vermiş hadisələr və ağır döyüşlər bunlara əyani sübutdur. Lakin müharibənin sonunda qalib gələn tərəfin göstərdiyi humanizm qələbənin özündən də çox qalib xalqın nə qədər yüksək mənəvi dəyərlərə sahib olduğunu ifadə edir. Məğlub olmuş düşmənə sülh təklif etmək həm də uzaqgörən siyasətin nümunəsidir. Bu, bütün dünya xalqları üçün böyük bir nümunədir. Çünki düşmənçilik nə qədər davam edərsə sülh və sabitlik o qədər gecikər. Halbu ki, sülh yolu seçildikdə xalqların inkişafı, əməkdaşlığı və təhlükəsiz gələcəyi üçün daha geniş imkanlar yaranar. Belə bir diplomatiya isə Cənab Prezidentin humanizminin və müdrikliyinin bir ifadəsidir.
Ölkə rəhbəri, cənab Prezident İlham Əliyevin XIII Qlobal Bakı Formundakı çıxışı bir daha göstərdi ki, dövlətimizin başçısının apardığı siyasət qlobal miqyasda sülhün və təhlükəsizliyin təşviqinə töhfə verməklə yanaşı iqtisadi inkişaf yolunda da atılan uğurlu addımların davamıdır. Bu siyasət ilə inkişaf edən Azərbaycan dövləti beynəlxalq arenada siyasi və istisadi sabitliyin mühüm mərkəz nöqtələrindən biridir.
Kamal Gülmalıyev
YAP Culfa rayon təşkilatının fəalı, “Əlincəqala” Tarix-Mədəniyyət Muzeyinin direktoru
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
