ain.az, Fanat portalından verilən məlumatlara əsaslanaraq xəbər verir.
İngiltərə Premyer Liqasının (İPL) 30-cu turu çərçivəsində dünən öz meydanında "Tottenhem"lə 1:1 hesablı heç-heçə edən "Liverpul"un yarımmüdafiəçisi Dominik Soboslai klubun tarixinə düşüb.
Fanat.Az "Opta Sports" portalına istinadən xəbər verir ki, komandasının yeganə qoluna cərimə zərbəsindən imza atan macar futbolçu cari mövsüm İPL-də 4-cü dəfə bu şəkildə fərqlənib.
İndiyədək Soboslaidən başqa "qırmızılar"ın heç bir oyunçusu bir mövsümdə çempionatda cərimə zərbəsindən 4 dəfə rəqib qapısına yol tapa bilməyib. Dominikin İPL rekordunu yeniləmək şansı da az deyil. Belə ki, daha öncə Devid Bekhem (2000/2001) və Loran Rober (2001/2002) cərimə zərbəsindən hərəyə 5 belə qol vurublar.
Qeyd edək ki, Soboslai cari mövsüm "Liverpul" forması ilə bütün turnirlərdə 41 matça çıxaraq 11 qol və 8 məhsuldar ötürmə ilə yadda qalıb.
Toğrul
Abunə Ol
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
