BAKI, 15 mart. TELEQRAF
ABŞ Prezidenti Donald Tramp İranla mümkün razılaşmanın şərtlərinin Vaşinqtonu qane etmədiyini bildirib.
Teleqraf xəbər verir ki, o, bu barədə NBC News telekanalına müsahibəsində danışıb.
“İran razılaşma əldə etmək istəyir, amma mən bunu istəmirəm, çünki şərtlər kifayət qədər yaxşı deyil”, – deyə ABŞ prezidenti qeyd edib.
Tramp mümkün razılaşmanın hansı şərtlərlə Vaşinqton üçün qəbul edilə biləcəyinə dair sualı cavablandırarkən isə bu barədə danışmaq istəmədiyini bildirib.
